99年11月21日（跑馬仔真草）B友

講堅，小陰

出席 : 徐B、老慶、昭強、阿賊、小岑、阿Lee、鬼佬、鬼Ricky、朱翁、阿Ken
缺席 : 陳鍵、老野、鬼良、又係肥仔

今場賽事，烏合之眾響大好形勢下輸零比一，入球能力令人擔心。
中場表現最好，供應唔少靚波比前鋒，前線球員其實都好落力，奈何把握能力不足，終於贏形勢輸波。

球員表現 :

龍門

上半場 ─
徐B : 表現中規中矩，所失一球都唔關佢事，不過開D大腳波較不濟，下下唔過半場。

下半場 ─
鬼Ricky : 由於下半場烏合之眾控制大局，無點受威脅，不過拋波過半場幾乎入到禁區，技驚四座。

老慶 : 表現出信心，唔再係立亂忽走個波就算，開始嘗試策劃進攻。有起腳，不過射術欠佳。有球波響後場好冷靜咁推過兩個。繼續比心機。

昭強 : 合格。

阿賊 : 表現失準，但仍然踢得好鬼死開心。

小岑 : 引球出擊唔錯，更多次起腳。有球波直飛死角，可惜比對方後衛封出。良心發現，只細細力挨左奧雲一野咁多，令其直飛底線。

阿Lee : 終於表現出身價，多次策動攻擊，交出唔少靚波，亦有參與防守。同隊友間既合作多左。中段時間同對方頂幾句，無大礙。

鬼佬 : 表現較沉，不過幾有拚勁。尾段有野要左成件奧雲，夠哂硬朗。

鬼Ricky : 間唔中黎一次對隊波都有幫助。

朱翁 : 走動不少，再無夾硬推，同人組織咪仲有效!有埋門機會，可惜比龍門擋出。比人捉到hand ball，死死地氣鬆人。

阿Ken : 令人失望，打單前鋒控腳波幾差，回唔返後變成好難組織攻擊。

徐B : 雖然射門觸覺幾好，仲可能係成隊波最好添，但經常性企圖以個人力量扭轉形勢 (簡稱獨食)，點都講唔通。

整體成場波控球又多過人地，角球又多過人地，但結果又係輸比人地，都係因為自己把握唔到。不過今場波幾能夠令用到球場既闊度拉空兩邊，算係咁，阿叔覺得唔錯 !!