02年4月1日（鰂魚涌人就炒 ）B友

環境：萬里無雲，略熱。
出席：徐乙、小岑、陳鍵、蕭丹、功夫良、肥七、老昭、盲丙、小康、Ken、麥K
比數：輸2:3

表現

徐乙
舊病番發，導致行動不便，成場波無乜點走動過，極少參與組織攻擊。控球在腳之後即時意圖以個人技術盤扭過3位後衛再於超窄死到唔死角度起腳，結果當然係不知所謂。

小岑
睇得出幾落力下，但有落無上，成場波上唔到力，走落冇力，建樹少。中場攔截工作尚可，退回防線，做唔番舊底要波要人果下。以波論波，今場的確叫人失望。

陳鍵
一向以技術見稱，但波唔到腳就毫冇用處。相比起其他高質球員，陳生未能帶動整體機動力，尤其當放於前場，由於隊友唔爭氣，加上本身脾氣及精神問題，經常行行企企，形同虛設。

蕭丹
當其他球員相繼表現失準，蕭生今場波總算叫keep到一貫水平，包括完場即閃風格。防守工作頗見清脆，希望蕭丹唔好自滿，再接再勵，將來靠晒你喇~

功夫良
相對論下表現比應有水準下跌超過50個百分點，更沉唔住氣，直斥隊友種種。踢中場缺少昔日分波走位風範，亦因此直接引致烏合之眾毫無中場可言。

肥七
表現一般。

老昭
狀態低迷。

盲丙
一如以往。

麥K
稀客麥K久休復出，身懷六甲粉墨登場。完場即轉介至婦產科處理。